Бүгүн, алтынньы 21 күнүгэр, СӨ Бырабыыталыстыба Бэрэссэдээтэлин солбуйааччы Ольга Балабкина уонна СӨ Роспотребнадзор управлениетын салайааччыта Маргарита Игнатьева быһа биэриигэ таҕыстылар.
Ольга Валерьевна билигин да балаһыанньа уустугун, бүтэһик сууккаҕа 147 киһи ыалдьыбытын иһитиннэрдэ. Бүтэһик сууккаҕа бу дьаҥтан икки киһи тыына быстыбытын эттэ.
Ольга Балабкина Ил Дархан Айсен Николаев анаалыс оҥоһуллар бириэмэтин кылгатыы туһунан сорудахтаабытын бэлиэтээтэ. Бүтэһик сууккаҕа 6071 анаалыс оҥоһуллубут. Ыарыы тарҕаныыта аччыырын туһугар санитарнай ирдэбили тутуһуу наадатын ыйда. Ордук аҕам саастаах дьон ыалдьара элбээбитин, онон аҕам саастаахтары харыстыыры тоһоҕолоото.
Ульяна Захарова.
+1
+1
+1
+1
+1
+1
+1