Чурапчы улууһун бэтэринээрдэрэ «Халыма» федеральнай айан суолугар Госавтоинспекция үлэһиттэрин кытары холбоһуктаах хонтуруоллуур үлэлэрин тиһигин быспакка ыыталлар.
«Бэтэринээрийэ туһунан» федеральнай сокуоҥҥа олоҕуран, балыгы уонна эти тиэммит массыыналары Чурапчы сэлиэнньэтигэр баар пууҥҥа көрөллөр. Госавтоинспекция үлэһиттэрэ суоппар массыынатыгар тустаах таһаҕаһы таһыы усулуобуйатын төһө толорбутун, оттон бэтэринээрдэр тиэйиллэн иһэр бородууксуйа лабораторияҕа чинчийиллибитин, онон туох да куттала суоҕун туоһулуур арыаллыыр бэтэринээринэй докумуоннарын бэрэбиэркэлииллэр. Бу күннэргэ 14 туонна муксуун балыгы арыаллыыр бэтэринээринэй докумуоннара суох тиэммит массыыналары туттулар.
Раиса Сибирякова, Саха сирэ” хаһыат, edersaas.ru
+1
+1
+1
+1
+1
+1
+1