«Хотугу Синергия»: «Профlife» саҥа хайысхаҕа федеральнай эспиэр үлэлээтэ
![](https://edersaas.ru/wp-content/uploads/2019/08/14057c1c-58ca-4304-8abf-09d05f9c830e.jpg)
Бу хайысхаҕа Саха сирин оройуоннарыттан идэлээх сойуус 40 көхтөөх ыччата муһунна. Эдэр дьону кытта ыҥырыылаах эспиэр Вологда уобалаһын идэлээх сойуустарын федерациятын тэрийэр үлэҕэ салайааччы Елена Удачина, Саха сирин идэлээх сойуустарын федерациятын бэрэссэдээтэлэ Николай Дегтярев үлэлээтилэр. Николай Дегтярев идэлээх сойуустарга барар үлэни, хайысхалары, чилиэннэр бырааптарын туһунан сиһилии кэпсээтэ.
— Форум бастакы күнүгэр билсиһэр сыаллаах сэминээр ыыппытым, манна ыччат билиитин таһымын бэрэбиэркэлээбитим. Хайысхабытыгар тэриллиилэр уонна тэрилтэлэр салайааччылара мустубуттар. Өрөспүүбүлүкэҕэ идэлээх сойуус тэтимнээхтик үлэлиирэ көстөр. Бырайыак суруйууга, сэминээр ыытыыга маастар-кылаастары ыыттыбыт. Кыттааччылар форумтан ылбыт билиилэрин үлэлэригэр туһаныахтара. Форум сылтан сыл сайдан, эдэр дьоҥҥо саҥа билиини-көрүүнү аҕала турарыгар баҕарабын, — диэн эспиэр Елена Удачина кэпсээтэ.
«Профlife» кыттааччыларыттан бастыҥ бырайыактаахтарынан Елена Бруй, Евгения Олесова уонна Сергей Коновалов ааттаннылар.
Айтана Аммосова, «Саха сирэ» хаһыат, edersaas.ru
+1
+1
+1
+1
+1
+1
+1