Саха сирин норуоттарын спортивнай оонньууларын биир интэриэһинэй көрүҥүнэн бокс буолар. Амматааҕы оонньууларга спорт бу көрүҥэр 74 боксёр сүүмэрдэнэн кэлэн кыттар. Чурапчы, Мирнэй, Сунтаар, Дьокуускай хамаандалара 7-лии, Ньурба 6 кыттааччылаахтар.
Бүгүн, Л.В. Киренскэй аатынан лицей спорка саалатыгар туруоруллубут рингэҕэ биэс ыйааһыҥҥа барыллааһын киирсиилэр буоллулар.
Ньурбаттан Алквиад Иванов утарсааччытын Николай Протопоповы (Уус Алдан) иккис рауҥҥа нокаут ыытан, болдьоҕун иннинэ быһа кыайыыны сурунна. Ити курдук, маастар Дьулус Яковлев, Петр Васильев, Сергей Беседин, Александр Горчаковскай, Алексей Шахов утарсааччыларын аһара баһыйа тутан кыайдылар.
Киирсиилэр түмүктэрэ:
(Кыайыылаахтар инники суруллаллар)
49 кг Борис Сидоров (Чурапчы) — Асин Ахмедов (Горнай), Николай Матвеев (Ньурба) — Ян Максимов (Сунтаар), Михаил Тимофеев (Таатта) — Павел Федотов (Кэбээйи).
56 кг Альберт Федоров (Өлөөн) — Жонибек Икромов (Мирнэй), Айаал Степанов (Уус Алдан) — Денис Халдеев (Нам), Дьулус Яковлев (Нам) — Иван Варламов (Кэбээйи).
64 кг Алквиад Иванов (Ньурба) — Николай Протопопов (Уус Алдан), Петр Васильев (Дьокуускай) — Михаил Терентьев (Нам), Прокопий Яковлев (Сунтаар) — Хаджи Эргешов (Мирнэй), Сергей Семенов (Хаҥалас) — Станислав Константинов (Горнай).
75 кг Роман Обутов (Таатта) — Григорий Барашков (Чурапчы), Сергей Беседин (Нерюнгри) — Сергей Жирков (Сунтаар), Егор Пахомов (Горнай) — Айаан Ксенофонтов (Бүлүү), Иван Ерыгин (Мирнэй) — Никита Малгин (Дьокуускай).
91 кг Сергей Укоев (Нам) — Юн Ким (Сунтаар), Михаил Бурнашев (Уус Алдан) — Афанасий Сивцев (Чурапчы), Александр Горчаковскай (Дьокуускай) — Николай Поскачин (Бүлүү), Алексей Шахов (Алдан) — Николай Оконешников (Анаабыр).
Сарсын, от ыйын 5 күнүгэр күрэхтэһии күнүс 14:00 чаастан саҕаланар.
Петр Павлов.