Ноутбугун өрөмүөннэтээри, «ыанар ынахха» кубулуппут.
Мииринэй полициятын отделыгар көмө көрдөөн, 29 саастаах киһи кэлбит. Кини быһаарбытынан, уһун кэм устатыгар биир киһи кырбыырынан куттаан туран, харчы түүрэйдээн ыла сылдьыбыт.
Уочараттаах көрсүһүүгэ түүрэйдээччи эмсэҕэлээччиттэн 20 тыһ. солк. ылар кэмигэр оперативниктар 30 саастаах уорбаланааччыны туппуттар.
Барыллаан быһаарыынан, 2017 сыллаахха уорбаланааччы бу киһиэхэ ноутбугун өрөмүөннэтэ биэрбит, ону бу сордоох сүтэрэн кэбиспит.
Онуоха ол сүтэрбитин иһин уорбаланааччы кырбыырынан куттаан туран, санаатаҕын аайы харчы түүрйэдээн ыла сылдьыбыт — 2017 сыл тохсунньу ыйыттан саҕалаан, 2019 сыл олунньу ыйыгар диэри кэмҥэ. Уопсайа 200 тыһ. солк. ылбыт.
Салгыы да «ыанар ынах» оҥосто сылдьыах эбит, ону эмсэҕэлээччи харчыта бүтэн, ыксаан полицияҕа үҥсэн, онон тохтообут.
Бу чахчынан холуобунай дьыала 163-с ыстатыйанан тэриллибит.
Бу туһунан СӨ ИДьМ-тын пресс-сулууспата иһитиннэрдэ.
Биһиги корр., «Саха сирэ» хаһыат, edersaas.ru
Хаартыска: интэриниэттэн.