Тохсунньу 12 күнүнээҕи туругунан, өрөспүүбүлүкэ үрдүнэн 123 киһи коронавируснай инфекциянан ыалдьыбыта бигэргэннэ. Ол иһигэр, Дьокуускайга – 53, улуустарга – 70 киһи.
Ордук элбэх киһи Мэҥэ Хаҥаласка уонна Мииринэйгэ ыалдьыбыта биллибит. Өрөспүүбүлүкэтээҕи суһал ыстаап иһитиннэрбитинэн, Мэҥэ Хаҥалас улууһугар ыалдьыбыт дьонтон үксүлэрэ Саҥа дьыллааҕы бырааһынньыкка, дьиэ кэргэнинэн, аймахтарынан бырааһынньыктыы сылдьан, сыстыһан ыалдьыбыттар.
Ону тэҥэ, Алдан, Нерюнгри оройуоннарыгар – 6-8 киһи, атын улуустарга 1-4-түү киһи ыалдьыбыт.
Суукка иһигэр барыта 1463 анаалыс оҥоһуллубут. Суһал ыстаап бу күнтэн ыла анаалыс ахсаанын элбэтэргэ диэн быһаарыныы ылынна.
Ангелина Васильева, “Саха сирэ” хаһыат, edersaas.ru
Хаартыска: интэриниэттэн
+1
+1
+1
+1
+1
+1
+1