Алтынньы 13 күнүнээҕи туругунан, 122 киһи коронавируһунан ыалдьыбыта билиннэ. Өрөспүүбүлүкэ үрдүнэн эпидемиологическай балаһыанньа уустук, ыарыы ахсаана эбиллэн иһэр.
Ол курдук, Дьокуускайга – 72, Мииринэйгэ, Ньурбаҕа – 5-тии, Сунтаарга, Горнайга – түөртүү киһи ыарыйда. Кэккэ улуустарга биирдии-иккилии ыалдьыбыт дьон бааллар. Ол курдук, Бүлүүгэ, Мэҥэ Хаҥаласка, Тааттаҕа, Нерюнгригэ — 3-түү, Алдаҥҥа, Муомаҕа, Өймөкөөҥҥө, Хаҥаласка — 2-лии, Уус Алдаҥҥа, Уус Майаҕа, Чурапчыга — 1-дии киһи ыарыйда. 2 киһи тыына быһынна.
Билиҥҥи туругунан, бары улуустарга коронавируһунан ыарыйдылар, арыыланан хаалбыт оройуон суох.
Суукка иһигэр 2525 анаалыс оҥоһулунна. Бу кэм устата барыта 533 944 анаалыс оҥоһуллубут диэн өрөспүүбүлүкэтээҕи суһал ыстаап салайааччытын солбуйааччы Ольга Балабкина иһитиннэрдэ.
Ангелина Васильева, «Саха сирэ» хаһыат, edersaas.ru
Хаартыска: интэриниэттэн