“Саха сирин киэн туттуута” бириэмийэ 2019 с. “Норуот дипломата” иккис номинациятыгар сайаапкалары хомуйуу бүгүн, олунньу 13 күнүгэр, саҕаланна.
Толорбут сайаапкаҕытын икки ньыманан ыытаҕыт:
- RU. саайт нөҥүө. Манна баар анкетаны толорон баран ыытыҥ.
- Былааҥканы (формат Word) хачайдаан баран, gordost-yakutii@mail.ru электроннай почтаҕа ыытыҥ. Былааҥканы хачайдааҥ.
WhatsАpp (бырайыак эрэдээктэрэ эйиэхэ Word форматынан толороргор былааҥканы эбэтэр анкета ссылкатын ыытыаҕа) 896-4416-5000 нүөмэргэ.
Бары сайаапкаларга булгуччу хандьыдаат хаартыскатын сыһыарыҥ (туруору, үчүгэй хаачыстыбалааҕы, 3 устуукаттан итэҕэһэ суоҕу, JPG форматынан).
Хандьыдаакка ирдэбиллэр
“Норуот дипломата” номинацияҕа 18 үөһээ саастаахтар, Саха Өрөспүүбүлүкэтин сиригэр-уотугар куруук олорор дьон кытталлар.
Хандьыдаат соҕотоҕун эбэтэр хамаандаҕа киирэн Саха Өрөспүүбүлүкэтин үтүө аатын-суолун өрөспүүбүлүкэ тас өттүгэр үрдэтиинэн дьарыктаныахтаах уонна манна олоҕуран, тас сибээһи сайыннарыыга көмөлөһүөхтээх. Бу гражданскай уопсастыбаны уонна тас дойдулар аудиторияларын көҕүлүүр култуураҕа, наукаҕа, үөрэххэ, спорка уонна да атыҥҥа сыһыаннаах бырайыактар уонна бырагыраамалар (дэлэгээссийэлэри атастаһыы, быыстапкалар, бэстибээллэр уо.д.а.). Хандьыдаат норуоттар икки ардыларынааҕы сыһыаннаһыы эйгэтигэр анал үөрэхтээҕэ эбэтэр бу эйгэҕэ үлэлиирэ булгуччута суох.
Сайаапкалары хандьыдааттар бэйэлэрэ, ону тэҥэ кинилэр бэрэстэбиитэллэрэ, аймахтара, биир дойдулаахтара, уопсастыбаннай түмсүүлэр уонна муниципальнай дьаһалталар ыытыахтарын сөп. Сайаапкалары ылыы олунньу 17 күнүгэр түмүктэниэҕэ.
edersaas.ru