Киин быыбардыыр хамыыһыйатын бэрэссэдээтэлин солбуйааччы Иван Андросов 12 чаас 30 мүн. биэрбит пресс-конференциятын чахчытынан, өрөспүүбүлүкэ үрдүнэн 117 тыһ. 438 киһи, ол эбэтэр быыбардааччы 18,8 %-а куоластаата.
edersaas.ru
Ордук үрдүк көрдөрүүнү ситиһэн иһэллэр: Өлөөн (58 %), Анаабыр (48 %), Үөһээ Бүлүү (42 %) уонна Таатта (32 %) улуустара. Быһа сибээскэ тахсыбыт Ленскэй улууһун быыбардыыр хамыыһыйатын бэрэссэдээтэлэ Елена Ермакова иһитиннэрбитинэн, Мухтуйа сирэ быыбарга 30% кыттыбыт, ити иһигэр Бэтинчэ олохтоохторун 40%-нара бэйэлэрин гражданскай иэстэрин төлөөбүттэр, хандьыдааттар уонна политическай баартыйалар өттүлэриттэн уопсастыбаннай кэтээн көрөөччүлэр итиэннэ учаастактааҕы быыбардыыр хамыыһыйа чилиэннэрэ, барыта холбоон 60 киһи, быыбар сокуон быһыытынан бэрээдэктээхтик ыытылларын хонтуруоллууллар. Оттон Нерюнгритааҕы быыбардыыр хамыыһыйа бэрэссэдээтэлэ Мария Федорова этэринэн, бу улууска быыбардааччы 11,3 %-а куоластаабыт.
Уус Алдан улууһун Бэрт Ууһун нэһилиэгин саамай кырдьаҕас олохтооҕо 83 саастаах Василий Васильевич Данилов учаастакка бэйэтэ кэлэн быыбардаата.
Раиса Сибирякова, «Саха сирэ» edersaas.ru