СӨ Доруобуйа харыстабылын министиэристибэтэ дьон ыарыйдаҕына, тымныйыыга (ОРВИ) уонна коронавируска ыйытыыланнахтарына, «122» нүөмэргэ эрийэллэригэр сүбэлиир.
— «1» кунуопканы баттаатахха Дьокуускай куорат эмтиир тэрилтэтин талаҕыт ( 3 №-дээх өрөспүүбүлүкэтээҕи килиниичэскэй балыыһа, 1 № поликлиника, 2 № , 3 № Дьокуускай к. балыыһалара, мэдиссиинэ киинэ);
— «2» кунуопканы баттаатахха, доруобуйа харыстабылыгар сыһыаннаах, ол иһигэр Covid-19 ыйытыыларынан СӨ Доруобуйа харыстабылын министиэристибэтин хантаак-киинигэр холбоноҕут;
— «3» кунуопканы баттаатахха, нэһилиэнньэ социальнай көмүскэллээх буолуутугар ыйытыыларга сүбэ-ама ылаҕыт;
— «4» кунуонпканы баттаатахха, волонтер уонна уйулҕа өртүнэн өйөбүл өҥөтүн оҥороллор;
Коронавирус боппуруоһунан үлэлиир суһал сибээскэ куорат олохтоохторуттан күннэтэ ортотунан 12 тыһ. тахса төлөпүөнүнэн эрийии киирэр. Колл-кииҥҥэ биир нэдиэлэ устатыгар 111736 эрийбиттэр.
Билиҥҥи туругунан колл-кииҥҥэ төлөпүөҥҥэ 50 киһи олорор, ону таһынан, Дьокуускайга доруобуйа харыстабылын тэрилтэлэригэр пациеннары кытары үлэлэһиигэ 60-ча киһи баар. Биир кэмҥэ 100-кэ киһиттэн ыҥырыы киирэрэ бэлиэтэнэр.
Колл-киин оператордара өрөбүлэ суох хонугу эргиччи үлэлииллэр.
Бүгүҥҥү туругунан, биир кэлим нүөмэргэ Дьокуускай куорат 3 №-дээх балыыһата, 1 №-дээх поликлиника, 2 №-дээх ДЬокуускай куорат балыыһата, Дьокуускай куорат мэдиссиинэҕэ киинэ, 3 №-дээх өрөспүүбүлүкэтээҕи килиниичэскэй балыыһа холбоммуттар. Маны таһынан, «122» уонна «112» нүөмэргэ эрийэргэ болҕомтолоох буоларгытыгар ыҥыраллар.
СӨ Доруобуйа харыстабылын министиэристибэтин пресс-сулууспата