Доруобуйа

11 улууска ыалдьыбатылар

Бүгүн Ольга Балабкина уочараттаах брифинигэр коронавирус дьаҥын туһунан билиһиннэрдэ. Кини этэринэн, 95 киһи коронавирустаабыт.

Итинтэн Дьокуускайга — 57, Алдаҥҥа — 7, Мэҥэ Хаҥаласка, Мииринэйгэ, Нерюнгригэ — биэстии, Эбээн Бытантайга — 4, Өймөкөөҥҥө, Сунтаарга, Уус Алдаҥҥа, Чурапчыга — иккилии, Үөһээ Бүлүүгэ — 1 киһи ыалдьыбыт.
Үөрүүлээҕэ диэн 11 улууска бу кэнники нэдиэлэҕэ ыарыы бэлиэтэммэтэх.
Ольга Валерьевна Мииринэй олохтоохторун дьаҥтан харыстаналларыгар сэрэттэ. Быһыыны ылыы бу улууска тэтимириэхтээҕин ыйда.
Ону тэҥэ кини өрөспүүбүлүкэҕэ быһыыны ылыы көрдөрүүтэ аччаабытын бэлиэтээтэ. Ол да буоллар, төһө киһи быһыы ылбытынан Саха сирэ Арассыыйаҕа биэс иһигэр баарын аҕынна. Онон олохтоохтору быһыыны ылар пууннарга тиийэллэригэр ыҥырда. Маны тэҥэ уоппуска кэмигэр барыы-кэлии элбээбитинэн тиийиэхтээх субъеккыт ирдэбилин тутуһары наадалааҕынан ааттаата. Сэртипикээттээх буолуу ирдэнэр.
Онон өрөспүүбүлүкэ суһал ыстаабын салайааччытын солбуйааччы Ольга Балабкина сүбэтин умнумаҥ.

Бэлэмнээтэ Женни Стрюкова
Хаартыска: интэриниэттэн

0
0