11-с кылаастар түмүктүүр өйтөн суруйууларын тиэмэлэрин хайысхата билиннэ
Оскуоланы бүтэрээччилэргэ түмүктүүр өйтөн суруйуу булгуччулаах. Бу биир кэлим эксээмэҥҥэ (ЕГЭ) киирэргэ быраап буолар. Быйылгы тиэмэлэр хайысхалара билиннэ. Ханныктарый?
Аҕыйах хонуктааҕыта Үөрэҕи уонна науканы кэтээн көрөр федеральнай сулууспа 2020-2021 үөрэх дьылынааҕы өйтөн (аахпыттан) суруйуу 5 тиэмэтин хайысхатын билиһиннэрдэ: “Умнууга хаалара табыллыбат” (“Забвению не подлежит”); “Мин уонна атыттар” («Я и другие»); “Ааспыт уонна кэлэр кэм икки ардыгар: мин көлүөнэм мэтириэтэ” («Между прошлым и будущим: портрет моего поколения»); “Уларыйыы кэмэ” («Время перемен»); “Бэйэни кытта кэпсэтии” («Разговор с собой»).
Быйыл өйтөн суруйууну ахсынньы 2 күнүгэр ыытары былаанныыллар. “Незачет” ылбыттарга, өйтөн (аахпыттан) суруйууга кэлбэтэхтэргэ эбэтэр убаастанар биричиинэнэн кыайан суруйбатахтарга 2021 сыл олунньу 3 уонна ыам ыйын 5 күннэригэр эбии больоҕу анаабыттар.
Доруобуйаларынан хааччахтаах оҕолор аахпыттан суруйууну талыахтарын сөп. Өйтөн (аахпыттан) суруйуу иһин сыана турбат. Ол оннугар “зечет/незачет” диэн туруораллар.
Санатан эттэххэ, былырыын сүрүн болдьох кэмигэр Саха сиригэр тустаах үлэни 8 тыһыынчаттан тахса, эбии болдьоххо 500-чэкэ оҕо суруйбута.
Людмила ПОПОВА, “Саха сирэ” хаһыат, edersaas.ru