11,3 тыһыынча киһи тумуулаата

Бөлөххө киир:

Күһүн буолан, өрөспүүбүлүкэҕэ тумуунан, кириибинэн ыалдьыы эмискэ элбээтэ. “Роспотребнадзор” управлениета иһитиннэрэринэн, нэһилиэнньэ бары араҥаларыгар эпидемиологическай кирбии туолан, таһынан баран турар.

Бүгүҥҥү күҥҥэ өрөспүүбүлүкэҕэ 11 386 киһи тумуулаабыта бигэргэммит. Нэһилиэнньэҕэ “Совигрипп” уонна “Ультрикс квадри” кирииби утары быһыылары көхтөөхтүк биэрэллэр.

2021-2022 дьылга нэһилиэнньэ 60%-ныгар (ол иһигэр 217 000 оҕоҕо, 363 000 улахан киһиэхэ) кирииби утары быһыыны биэрэр былааннаахтар. Алтынньы 3 күнүнээҕи туругунан, 85 тыһыынча киһи (ол иһигэр 37 тыһыынча оҕо) кирииби утары быһыыны ылбыт.

Бу маннык быһыыны олорор, эбэтэр үлэлиир сиргэ сыһыарыллыбыт поликлиникаҕа баран, ким баҕарар босхо ылыан сөп. Сорох тэрилтэлэргэ, үөрэх кыһаларыгар анал биригээдэлэр баран биэрэллэр.

Кирииби утары быһыыны балаҕан ыйыттан сэтинньи ый бүтүөр диэри ылар ордук диэн “Роспотребнадзор” үлэһиттэрэ этэллэр.

Ангелина Васильева, “Саха сирэ” хаһыат, edersaas.ru

Хаартыска: sakhagov.ru

+1
0
+1
0
+1
0
+1
0
+1
0
+1
0
+1
0