Тыа хаһаайыстыбата

108 мобильнай биригээдэ 3537 туоннаны оттоото

Быйыл ыраах учаастактарынан оттуур мобильнай биригээдэлэринэн 35 838 туоннаны оттуур сорук турар.

Бүгүҥҥү күннээҕи чахчынан, өрөспүүбүлүкэ үрдүнэн 108 мобильнай биригээдэ оттуу сылдьар. Холобур, Бүлүү улууһугар 13 мобильнай биригээдэ 1034 туонна, Мэҥэ Хаҥаласка 10 мобильнай биригээдэ 573, Ньурбаҕа 25 мобильнай биригээдэ 527, Сунтаарга 10 мобильнай биригээдэ 100, Уус Маайаҕа 3 мобильнай биригээдэ 107, Хаҥаласка 20 мобильнай биригээдэ 525, Чурапчыга 21 мобильнай биригээдэ 201 туонна оту чөкөттүлэр.

Дьокуускай куорат таһыгар «Туймаада экоферма» ХЭТ (Нөмүгү) мобильнай биригээдэтэ 300 туоннаны бэлэмнээтэ. Мобильнай биригээдэлэр барыта холбоон 3537 туонна оту оттоотулар диэн тыа хаһаайыстыбатын министиэристибэтэ иһитиннэрэр.

Раиса Сибирякова, edersaas.ru

0
0
Telegram @edersaas20