Ыам ыйын 21 күнүнээҕи туругунан төһө киһи коронавирус дьаҥар хаптарбытый?
Дьэ, онон Ньукуолун чэчиэринньигин күнүгэр,108 киһи ыалдьыбыта билиннэ. Ол туһунан өрөспүүбүлүкэтээҕи суһал ыстаап иһитиннэрдэ.
— Өрөспүүбүлүкэ киин куоратыгар Дьокуускайга – 65 киһи ыалдьыбыт;
— Уус Алдан, Чурапчы оройуоннарыгар – сэттэлии; — Мэҥэ Хаҥалас, Сунтаар оройуоннарыгар – биэстии; Хаҥалас оройуонугар — 4; Амма, Нам оройуоннарыгар – үстүү, Бүлүү, Ньурба оройуоннарыгар – иккилии; Алдан, Үөһээ Бүлүү, Дьааҥы, Өймөкөөн, Мииринэй оройуоннарыгар – биирдии.
Көрөргүт курдук, дьаҥ улуустарга тарҕанар.
Өрөспүүбүлүкэ лабораториялара 2876 чинчийиини суукка устата ыыттылар.
Онон коронавирус дьаҥын бохсор туһуттан мааскалаах сылдьыахтаахпыт. Бары ирдэбиллэри тутуһуохтаахпыт.
Бэлэмнээтэ Женни Стрюкова
Хаартыска: интэриниэттэн