Өрөспүүбүлүкэҕэ бүтэһик сууккаҕа 107 киһи коронавирус дьаҥар хаптарбыт.
СӨ суһал ыстааптан иһитиннэриини СИА суруйбуттарынан,итинтэн Дьокуускайга — 70 киһи, Амма, Мииринэй оройуоннарыгар биэстии, Алдаҥҥа, Хаҥаласка, Чурапчыга түөртүү киһи дьаҥнаабыт. Ону таһынан, оройуоннарга биирдиилээн ыалдьыылар бэлиэтэнэллэр. Хантаактаахтар бары быһаарыллан, хааччахтаныы эрэсиимигэр олороллор.
Коронавирус дьаҥыттан биир киһи тыына быстыбыт.
Дьаҥ туруоҕуттан лабораторияларга барыта 517 тыһыынча тест оҥоһуллубут. Бүтэһик сууккаҕа 5 тыһыынча тест оҥоһуллубута бэлиэтэнэр.
+1
+1
+1
+1
+1
+1
+1