Саха АССР 100 сыла

100 уопсастыбаннай көҕүлээһин

Өрөспүүбүлүкэбит тэриллибитэ 100 сылыгар араас үтүө көҕүлээһиннэр, бэлиэ түгэннэр буолаллар. Дьон өрөгөйдөөх үбүлүөйү өрө көтөҕүллэн көрсөр, үтүө дьыалаларынан бэлиэтииргэ кыһаллар. Онуоха 100 сылы кытары ситимнээх бэлиэ түгэннэри түмтүбүт.

“Саха АССР 100 сылыгар” – 100 көҕүлээһин” кинигэ таҕыста. Манна 2016 сылтаан саҕалаан 2022 сылга диэри оҥоһуллубут уопсастыбаннай көҕүлээһиннэртэн 100 бастыҥы талан ылан, киллэрдилэр.
Ол курдук, 28 улуустан (куораттан) 194 уопсастыбаннай көҕүлээһин сайаапката киирбитэ. Бу бырайыактар – өрөспүүбүлүкэ олохтоохторун, уопсастыбанньыктар, актыбыыстар бэйэлэрэ көҕүлээн, олоххо киллэрбит үлэлэрэ.
Манна Витим устуоруйатын кэпсиир “летопись”, Өлүөхүмэҕэ баһаарынай-прикладной спорду тэрийии, Нам Партизаныгар Баалла Күөлүн чөлүгэр түһэрии, Мэҥэ Хаҥалас Харатыгар уоттаах-күөстээх кирилиэһи тутуу, хотугу улуустарга “Доруобай ийэ – доруобай оҕо” мэдиссиинэ бырагырааматын үлэлэтии, биэнсиэйлээхтэри көмпүүтэргэ үөрэтэр куурустары ыытыы, нэһилиэктэринэн төрүччүлэр электроннай архыыптарын оҥоруу, Томпоҕо геологтар мусуойдарын арыйыы, о.д.а. көҕүлээһиннэр бааллар.

Ангелина Васильева, «Саха сирэ» хаһыат, edersaas.ru

Хаартыска: 100yakutia.ru

0
0
Telegram @edersaas20