“100 учууталга – 100 тыһыынча солкуобай”

Бөлөххө киир:

Өрөспүүбүлүкэбит тэриллибитэ 100 сылыгар араас үтүө көҕүлээһиннэр, бэлиэ түгэннэр буолаллар. Дьон өрөгөйдөөх үбүлүөйү өрө көтөҕүллэн көрсөр, үтүө дьыалаларынан бэлиэтииргэ кыһаллар. Онуоха 100 сылы кытары ситимнээх бэлиэ түгэннэри түмтүбүт.

Кулун тутар ыйтан бастыҥ учууталларга анал бириэмийэни биэрэргэ куонкурус саҕаламмыта. Куонкуруһу үөрэх, наука министиэристибэтэ ыытар. Бириэмийэни “РНГ” хампаанньа үбүлүүр. Барыта 10 мөлүйүөн солкуобайы “РНГ” хампаанньа куонкурус кыайыылаахтарыгар – 100 учууталга туттарда.
Куонкуруска 5 сылтан кырата суох ыстаастаах педагогическай үлэһиттэр, настаабынньыктар кытталлар. Манна үөрэнээччилэр үрдүк ситиһиилэрэ, Арассыыйатааҕы, аан дойдутааҕы олимпиадаларга, куонкурустарга, бэстибээллэргэ кыттыылара, үөрэтии бырагырааматыгар үчүгэй түмүктэр элбээн иһэллэрэ, педагог аныгы үөрэтэр ньымалары туһанара, тус бырагырааматын үлэлэтэн, инновационнай, эспэримиэнниир үлэни ыытара, о.д.а. учуоттанар.
Куонкурус түмүгэ муус устар 24 күнүгэр тахсыбыта.

Ангелина Васильева, «Саха сирэ» хаһыат, edersaas.ru

Хаартыска: 100yakutia.ru

+1
0
+1
0
+1
0
+1
0
+1
0
+1
0
+1
0