Бүгүн Саха АССР 100 сылын көрсө Бэчээт дьиэтигэр “Сахамедиа” РИИХ медиа-киинигэр почта кэмбиэригэр бэчээт ууруутун сиэрэ-туома буолла. Онон үөрүүлээх тэрээһиҥҥэ Дьокуускай куорат филателистара эрэ буолбакка, сибээс бэтэрээннэрэ кытыннылар.
Тэрээһиҥҥэ киирии тылыгар “Арассыыйа почтатын” Саха сиринээҕи салаатын салайааччыта Петр Птицын Саха сиригэр почта сибээһэ сайдарын туһунан бэлиэтээтэ уонна үбүлүөй бэлиэлээх 100 тыһыынча кэмбиэри сакаастаан, оройуоннарга тарҕаппыттарын туһунан эттэ.
Үбүлүөйдээх күнүнэн почта кэмбиэригэр бэчээт ууруутун сиэригэр СӨ Бырабыыталыстыбатын Бэрэссэдээтэлэ Андрей Тарасенко, Инновация сайдыытын миниистирэ Анатолий Семенов, почта Саха сиринээҕи салайааччыта Петр Птицын кытыннылар.
Ыҥырыылаах ыалдьыттар хаартыскаҕа түстүлэр, филателистар мэнэйдэстилэр.
Бэлэмнээтэ Женни Стрюкова