100 интервью. Наталья Харлампьева: «Саха литературата сайдар кэскиллээх»

Саха АССР төрүттэммитэ 100 сылынан  СӨ Национальнай библиотеката  Ил Түмэн өйөбүлүнэн, «Саха сирин кэскилин туһунан 100 интервью» бырайыагы саҕалаабыта. Бырайыак 2022 сыл алтынньытыгар диэри сүрүн сыалын ситиһиэхтээх уонна салгыы сайда туруохтаах диэн былааннанар.

«Саха сирин кэскилин туһунан 100 интервью» бырайыак иитинэн кэпсэтиилэри   https://100интервью.рф/ саайтка киирэн көрүөххүтүн сөп.

Бүгүн  саха народнай поэта, Саха сирин суруйааччыларын сойууһун бэрэссэдээтэлэ Наталья Харлампьеваны кытары кэпсэтиини таһаарабыт.

«Саха литературата сайдар кэскиллээх, тоҕо диэтэххэ, саҥа, эдэр күүстэр киирэн иһэллэр. Сэбиэскэй кэмҥэ курдук суруйааччы аата-суола, үлэтин төлөнүүтэ даҕаны суох. Баҕатыйан, сананан, дьоҕурдара, талааннара тэһэ кэйэн киирэр дьону мин өйүүр уонна ытыктыыр эрэ кыахтаахпын. Бүгүн чахчы норуоттарын өйө-санаата, литература сайдарын саныыр дьон литератураҕа киирэр. Билигин ыраас санаалаах, норуотун таптыыр эрэ киһи суруйааччы буолар кыахтаах. Инникитин, кэлэр үйэҕэ итинник буолуо диэн эрэнэбин».