100 бастыҥ педагог 100 тыһыынча солкуобайы ылыаҕа

Бөлөххө киир:

Үөрэҕирии эйгэтин үлэһиттэригэр Саха АССР 100 сылыгар аналлаах куонкурус биллэрилиннэ. Манна 5 сылтан кырата суох ыстаастаах, сүрүн уопсай уонна эбии үөрэхтээһин бырагыраамаларынан үлэлиир педагогтар кыттар кыахтаахтар. Ол түмүгүнэн 100 бастыҥ педагог 100-түү тыһыынча солкуобай суумалаах бириэмийэнэн наҕараадаланыахтара.

Куонкурус каадырдары сайыннарар, бастыҥ исписэлиистэри көҕүлүүр сыаллаах. Уопсастыбаннай үлэҕэ, араас күрэстэргэ кыттыыта, саҥа технологиялары баһылааһына, үөрэнээччилэрин ситиһиилэрэ, олимпиадаларга кыттыылара, о.д.а. барыта учуоттанар.

Билиҥҥи уустук кэмҥэ, тэйиччиттэн үөрэнэргэ учууталлары өйүүр, көҕүлүүр наадалаах.

Сайаапкалары олунньу 5 күнүттэн тутан саҕалаатылар. Сиһилии үөрэх министиэристибэтин саайтыгар киирэн билсиэххэ сөп.

Ангелина Васильева, “Саха сирэ” хаһыат, edersaas.ru

Хаартыска: sakhagov.ru

+1
0
+1
0
+1
0
+1
0
+1
0
+1
0
+1
0