100 бааллаах үөрэнээччини бэлэмнээбит учууталга 100 тыһ. солк. төлүөхтэрэ

Ааптар: 
Бөлөххө киир:

Биир кэлим эксээмэҥҥэ 100 бааллаах үөрэнээччини бэлэмнээбит Дьокуускай куорат учууталыгар, 100 тыһ. солк. суумалаах куорат баһылыгын бириэмийэтин туттарыахтара. Ити туһунан мэр Евгений Григорьев куораттааҕы уокурук үөрэҕин үлэһиттэрин атырдьах ыйынааҕы мунньаҕар иһитиннэрдэ.

Быйыл куорат үөрэнээччилэриттэн биир кэлим эксээмэни үрдүк баалга 6 оҕо туттарда. Ону кытта 100 баалга туттарааччы оҕо ахсаана уонна кэккэ биридимиэттэргэ орто баал намтааһына баарын бэлиэтииллэр.

Григорьев чугастааҕы кэмҥэ үөрэх управлениета бары оскуолаларга тустаах боппуруоһунан педагогтар сэбиэттэрин (педсовет) ыытарыгар уонна кэлэр эксээмэннэргэ көрдөрүүнү тупсарар туһугар мэхэниисимнэри быһаарарыгар сорудахтаата. “Биһиги оҕолорбут бастыҥ үрдүк үөрэх тэрилтэлэригэр киирэр кыахтарын үрдэтэри ситиһиэхтээхпит, бастатан туран, куорат уонна өрөспүүбүлүкэ наадыйар инженернэй, технологическай уонна АйТи исписээлинэстэригэр”, — диэн Дьокуускай куорат мээрэ сорук туруорда. Ити туһунан СИА суруйар.

СИА

+1
0
+1
0
+1
0
+1
0
+1
0
+1
0
+1
0