100 баалга туттарбыттарга – 100 тыһ. солк.

Ааптар: 
Бөлөххө киир:

СӨ Ил Дархана Айсен Николаев Саха АССР 100 сылынан быйыл биир кэлим эксээмэни 100 баалга туттарбыттарга 100 тыһ. солк. биэрэргэ быһаарда.

edersaas.ru

“Биһиги өрөспүүбүлүкэбит оҕо аймаҕы өйүүрү өрүү инники күөҥҥэ тутара. Онон Саха АССР тэриллибитэ 100 сылыгар биир кэлим эксээмэни 100 баалга туттарбыттарга 100 тыһ. солк. биир кэмнээх харчыны көрөргө быһаарыы ылынным.

Биир кэлим эксээмэн 11 сыллааҕы үөрэх түмүгүн таһаарар. 100 баалы ылбычча ситиһиллибэт, хас да сыл дьаныардаахтык дьарыктаннахха уонна сорук туруоруннахха эрэ кыаллар.

Харчынан бириэмийэ оҕолор кыһамньыларын уонна туйгун көрдөрүүлэрин үтүөлээх наҕараадатынан буоларыгар эрэнэбин”, — диэн этэр.

Ыам ыйын 26 күнүттэн биир кэлим эксээмэннэр саҕаланаллар. Өрөспүүбүлүкэ 100 сылыгар 100 баалга туттарыы бэйэтэ туспа өйдөбүл. Оҕолорго ситиһиилэри!

“Саха сирэ” хаһыат, edersaas.ru

Хаартыска: shansonline.ru

+1
0
+1
0
+1
0
+1
0
+1
0
+1
0
+1
0