СӨ Үөрэҕин уонна наукатын миниистирэ Владимир Егоров бүгүн социальнай ситимнэринэн быһа сибээскэ тахсан, төрөппүттэр, учууталлар, биирдиилээн дьон ыйытыыларыгар хоруйдаата.
Быһа сибээс кэмигэр: “Өрөспүүбүлүкэ үрдүнэн 10 тыһыынча оскуола оҕото, 1 тыһыынча орто анал үөрэх устудьуона көмпүүтэр тиэхиньикэтинэн хааччыллыыта суох. Күн бүгүн бу боппуруоһу быһаарарга араас хайысхаҕа үлэлэһэбит. Дьокуускай куорат 500-тэн тахса планшеты атыыласпыта. Атын оройуоннар даҕаны эмиэ атыыласпыттара. Ону тэҥэ, урбаанньыттар “Помоги учиться дома” аахсыйаҕа кыттыһан көмөлөһөллөр, сүрүннээн кыра дохуоттаах ыалы өйүүллэр”, — диэн иһитиннэрдэ.
Үгүс ыалга, ордук элбэх оҕолоох ыал ыраахтан олорон (дистанционно) үөрэтэригэр балаһыанньата уустугун билэрин, өйдүүрүн эттэ. Маныаха педагогтар биирдиилээн үөрэтэллэригэр ыҥырабыт диэтэ. Итиэннэ алын кылаастары онлайн үөрэтэ сатаабаттарыгар сүбэлиибит диэн эттэ.
Өскөтүн, маҥнай утаа оҕо 75 %-гар тиийэ онлайн үөрэммит эбит буоллаҕына, күн бүгүн ити сыыппара 66 % тэҥнэспит. Офлайн 30 %-тан тахса оҕо үөрэнэр эбит. Ыраах сытар нэһилиэк оҕолоро оскуолаҕа бэйэтигэр тиийэн үөрэнэллэр, ити 3 % тэҥнэһэр диэн иһитиннэрдэ.
Людмила ПОПОВА, edersaas.ru