Бу күннэргэ Уус Алдан улууһугар Саха сирин норуоттарын спортивнай оонньуулара ыытылла турар. Бүгүҥҥүттэн чэпчэки атлетикаҕа күрэхтэһиилэр саҕаланнылар.
10000 м сүүрүү соһуччу түмүктээх буолла. Ол курдук Уус Алдан улууһун спортсмена Артур Бурцев күрэстэһээччилэрин ырааҕынан быраҕан, бастаан испитэ. Уонна биэтэккэ тиийэрэ 400-чэ м хаалбытын кэнниттэн эмискэ мөлтөөн, арааһа, “тепловой удар” ылла быһыылаах. Бастаан туора үктээн бүдүрүйэн баран, олох даҕаны туймааран, дөйөн ылла. Бу түгэни мүччү туппакка, Константин Дрогунов Уус Алдан сүүрүгүн ситэн ааста. Ол да буоллар, тиһэх күүһүн түмэн, Артур Бурцев хаамыы быластаах биэтэккэ үктэннэ, иккис миэстэни ылла. Бу күннэргэ Саха сиригэр бүрүүкээбит өҥүрүк куйаас спортсмен туругар охсуулааах буолла.
Бурцев бу күрэхтэһиигэ сүрүн күөн көрсөөччүтүнэн Сунтаар сүүрүгүн Дьулустан Елисеевы ааттаабыта. Кинини кытта былырыын Бэрдьигэстээххэ маҥнайгы миэстэни былдьаһан кыайбыта. Онон 10 км күрэх бэрт соһуччу түмүктэри көрдөрдө.
edersaas.ru