Зоя Корнилова: “Биһиги арыый сыыһалаах да буоллар, социализмы бэккэ туппуппут…”...
Олох-дьаһах

Зоя Корнилова: “Биһиги арыый сыыһалаах да буоллар, социализмы бэккэ туппуппут…”

Арассыыйа Үрдүкү Сэбиэтин Президиумугар, 1995-2000 сылларга Госдуумаҕа, онтон I, II, III ыҥырыылаах Ил Түмэн дьокутаатынан талыллан өр сыл айымньылаахтык үлэлээбит, норуот улахан итэҕэлин ылбыт Зоя Афанасьевна Корнилова  ыам ыйын 22 күнүгэр 80 сааһын бэлиэтиир.

edersaas.ru

Биллэр бэлитиическэй диэйэтэл үбүлүөйүн чэрчитинэн Дьокуускай куоракка уонна төрөөбүт Өлүөхүмэтин улууһугар араас тэрээһиннэр, ол иһигэр парламентарий-дьахталлар кулууптарыгар, «Подруги-Дьүөгэлэр» дьахталлар түмсүүлэригэр уонна да атын тэрилтэлэргэ көрсүһүүлэр ыытыллыахтара.

Суруналыыс Татьяна Маркова  Зоя Корниловалыын кэпсэтиитин  «Саха сирэ»  хаһыат сарсыҥҥы нүөмэригэр (ыам ыйын 23 күнэ) ааҕыҥ.  Кэпсэтииттэн быһа тардыы:

…  Оттон Саха сирин интэриэһин Федерация таһымыгар хайдах туруорсуохтаахпытый?

— Итиннэ мөккүөр баар буолуон сөп. Төһө баҕарар мөккүһүҥ. Ол гынан баран, бэйэбит өрөспүүбүлүкэбит иһинэн. Таһыгар таһаарымаҥ. Оттон атын сиргэ, бука баһаалыста, бары биир киһи курдук, эйэлээх, түмсүүлээх буолуҥ, бары биирдик, кимиилээхтик киирсиҥ. Ол салайааччыбыт сыыспыта, бу салайааччыбыт өйдөөбөт, игин дииргитигэр ким даҕаны онно наадыйбат. Эйэтэ суох омуктар эрэ дии саныахтара. Бэйэ-бэйэтин икки ардыгар этиһэ, кыыһырса сылдьар омугу ким даҕаны ытыктаабат. Норуоппут туһугар, өрөспүүбүлүкэбит туһугар биирдик  этиҥ-тыыныҥ, бары биир киһи курдук ыалдьыҥ, кыһаллыҥ. Оччоҕуна эрэ көдьүүстээх буолуо…

 

…  Бу үлүгэр глобализация үйэтигэр, төрөөбүт тылбытын, култуурабытын  хайдах гынан тыыннаах хаалларабыт? Итиэннэ, омуктан киирбит тылы сахатытыыны туох дии саныыгыный? Сахалыы хаһыаттары ааҕаҕын?

— Ааҕан буоллаҕа, “Саха сирин”, “Кыымы”, онтон да атыттары. Оттон омуктан киирбит тыллары сахатытар наада дии саныыбын. Быйыл биир суруналыыс Турцияҕа бара сылдьан бэрт интэриэһинэйи билэн кэлбит. 30-с сыллардаахха түүрдэр светскэй судаарыстыба туппуттар эбит. Бу иннинэ кинилэр арабскайдыы суруйар, саҥарар эбиттэр. Ол эрээри кинилэр түүр буоллахтара, онон, түүрдэрин тылын сөргүтүөхтэрин баҕарбыттар. Бэйэлэригэр туох да суох. Аан дойдуга түүр тыла ханна үөрэтиллибитин көрдөөбүттэр…

 

edersaas.ru

 

0
0

Сайт матырыйаалларын ааптар көҥүлэ суох ылар бобуллар.

Ваш e-mail не будет опубликован.

шестнадцать − двенадцать =