Быйылгы сылтан “Земскэй учуутал” бырагыраама үлэлээн эрэр. Тустаах бырагырааманан үлэлии барар учууталлар 2 мөлүйүөн солкуобайы ылыахтара.
edersaas.ru
“Земскэй учуутал” бырагыраама 2020-2022 сылларга үлэлиэхтээх. Бу кэм устата Саха сиригэр 50 вакансия көрүллүбүт. Итинтэн быйылгы сылга 19 учууталга бэриллиэҕэ. Докумуону бу сыл тохсунньу 10 күнүттэн тутан саҕалаабыттара.
“Бырайыакка кыттыан баҕалаах учууталлартан докумуоннарын тутуу тохсунньуттан саҕаламмыта. Бүгүҥҥүтэ 157 сайаапка киирдэ. Учууталлар сэҥээрэллэр. Муус устар 15 күнүгэр диэри ылабыт”, — диэн СӨ үөрэҕин уонна наукатын миниистирэ Владимир Егоров суруналыыстары кытта көрсүһүүтүн кэмигэр иһитиннэрдэ.
Итини таһынан, Ил Дархан Айсен Николаев дьаһалынан “Арктика учуутала” бырайыак олоххо киириэхтээх. Күн бүгүн докумуона оҥоһулла сылдьар.
Людмила ПОПОВА, edersaas.ru
Мария ВАСИЛЬЕВА (СИА) хаартыскаҕа түһэриитэ.
+1
+1
+1
+1
+1
+1
+1