Юлиан Юмшанов эчэйиитигэр ким буруйдааҕый?

Бөлөххө киир:

2019 сыл алтынньы 26 күнүгэр эдэр спортсмен Юлиан Юмшанов «Дуолан Строй» тэрилтэҕэ үлэлии сылдьан үөһээттэн охтон эчэйии ылбыта. Ол түмүгэр эдэр киһи атаҕа суох хаалбыта. Бу дьыалаҕа ким буруйдааҕый?

Бүгүн “Дуолан Строй” генеральнай дириэктэригэр Павел Емельяновка сибээскэ тахсан бу дьыала туһунан кэпсэттибит:

Юлиан биһиги тэрилтэбитигэр үлэҕэ киирбэтэҕэ. Мин кинини кытта үлэҕэ ылыы, дуогабар түһэрсии туһунан кэпсэппэтэҕим. Барыта быраатым Егор Емельянов нөҥүө кэпсэтии барбыта. Бырааппын Егор Емельяновы кытта өҥө оҥоруу туһунан илии баттаспыттара. Юлиан Юмшанов туспа биригээдэлээх, чааһынай дьоҕус тэрилтэ аатыттан Егор Емельяновтыын дуогабардаспыттара диэн тоһоҕолоон бэлиэтиибин. Үлэҕэ сэрэхтээх буолууга Юлиан Юмшанов илии баттаабыта. Уол эчэйэн балыыһаҕа сыттаҕына тиийэн көрсүбүппүт. Бэйэбит көмөбүтүн, өйөбүлбүтүн биллэрбиппит.

Дьыала суукка тиийэн хаалбыта хомолтолоох. Эдэр киһини, биллэн турар, аһынабыт. Аны билигин дьыала Үрдүкү суут көрүүтүгэр барда. Бастакы суукка Юлиан хотторбута. Саха дьонун сиэринэн, уопсай биир тылы булуохтаахпыт дии саныыбын. Биһиги көмөттөн аккаастаммаппыт. Юлиан сибээстэн сүтэн хаалбыта. Билигин даҕаны биһиги көмөлөһөргө, өйүүргэ бэлэммит.

Бэҕэһээ Юлианныын кэпсэппиппит. Манна ааҕыҥ: edersaas.ru/yulian-yumshanov

Ульяна ЗАХАРОВА, edersaas.ru

+1
0
+1
0
+1
0
+1
0
+1
0
+1
0
+1
0