Ыттар үөрдэһэн сылдьан оҕоҕо саба түстүлэр

Бөлөххө киир:

Дьокуускай куорат Сэбиэскэй аармыйа 50 сыла аатынан уулуссаҕа бэйдиэ сылдьар ыттар оҕоҕо саба түспүттэрин туһунан сурах Инстаграмҥа тарҕанан эрэр. Алын сүһүөх кылаас оҕотун уонча ыт төгүрүктээн суолун хаайбыттарын, үлэтигэр баран иһэр дьахтар нэһиилэ өрүһүйбүт. Арай ааһан иһэр дьахтар куттанан сатаан оҕону быыһаабатах буоллун?

Сымыйа буолбатах, билигин куорат ханнык баҕарар уулуссаларыгар уоннуу-сүүрбэлии ыт бэйдиэ айбардыыр буолла. Бу көстүү ордук халлаан сылыйда даҕаны хатыланар буолла. Куораппыт уокуруктарын ахсын үлэ күөстүү оргуйар эрээри, тоҕо эрэ бу кыһалҕа хаһан да быһаарыллыа суох чинчилээх. Бэйдиэ сылдьар, моонньуларыгар ошейниктаах ыттар хаһаайыттара көстөллөрүн күүтэн туһа тахсыбата биллэр. Биир кэлим диспиэччэрскэй сулууспаҕа сайаапка түһэрэн туһа суоҕун тэҥэ буолла. Тоҕо диэтэххэ, бэйдиэ сылдьар ыттары аһынан, көмүскэһэн социальнай ситим оргуйан олороооччу. Бу туох үлүгэрэй? Тоҕо аҕыйах сыллааҕыта адьырҕа кыылга тэҥнэспит ыттарбыт,  дьон-сэргэ холку олохторун уйгуурдан аймалҕаны таһаарыахтаахтарый? Бэйдиэ сылдьар ыт ытырыык да буолбатаҕына, биллэрин курдук, биир ыт үрэн моргуйда да, бары саба түһэр үөрдэһэр майгылаахтарын умнумаҥ! Сүүһүнэн ыты анал питомникка тутар мин саныахпар, туһата суох. Бэйдиэ сылдьар ыттары хаһаайыннаах, хаһаайына суох диэн араарар сыыһа. Улахан быһаарыныы ылынарга уолдьаста.

Ульяна ЗАХАРОВА, edersaas.ru

+1
0
+1
0
+1
0
+1
0
+1
0
+1
0
+1
0