ХИФУ устудьуоннарын идэлээх сойуустарын “ВиНиЛ” киинэ устудьуоннар олорор куораттарын ыраастааһыҥҥа аахсыйа тэрийбит. Икки күн устатыгар ыытыллыбыт тэрээһиҥҥэ 130 устудьуон баҕа өттүнэн кыттыбыт.
Устудьуоннар хас биирдии киһи бэйэтинэн үтүө холобур буоларга кыһаллыахтааҕын, тулалыыр эйгэлэригэр харыстабыллаахтык сыһыаннаһыахтаахтарын, кинилэр маннык хамсааһыннарынан ыччаты кэрэҕэ, үтүөҕэ тардалларын бэлиэтээбиттэр.
“Куорат бары олохтоохторо маннык субуотунньугу сотору-сотору тэрийэллэригэр баҕарабын, ыҥырабын. Биһиги устудьуоннарбыт куораттарын ыраастык тутан олорор баҕалаахтара үөрдэр. Кырдьыга да, олорор сирбитин-уоппутун хайдах тутан, көрөн-истэн олорорбут бэйэбититтэн улахан тутулуктаах”, — диэбит ХИФУ устудьуоннарын профсойуустарын бэрэссэдээтэлэ Александр СУСОЕВ.
+1
+1
+1
+1
+1
+1
+1