Олунньу 13 күнэ – Төрөөбүт тыл уонна сурук-бичик күнэ. Бу бырааһынньык 1996 сылтан СӨ бастакы бэрэсидьиэнэ Михаил Николаев ыйааҕынан бэлиэтэнэр. Бэлиэ күн саха бастакы лингвист-учуонайа, сахалыы алпаабыт, бастакы букубаар ааптара Семен Андреевич Новгородов төрөөбүт күнүгэр ыытыллар.
Төрөөбүт тыл уонна сурук-бичик күнүнэн А.А. Иванов-Күндэ «Төрөөбүт тыл» хоһоонунан саха дьонугар бэйэтин эҕэрдэтин ыраах Турцияттан Үмит Шаһин ыытар. Үмит Турция тэбэр сүрэҕэр Анкара куоракка олорор. Анкара университетын тыл уонна история-география факультетын билиҥҥи түүр тылларын уонна литэрэтиирэтин кафедратыгар үлэлиир.
Үмит Саха сиригэр сыл аҥаара олорбута. Ол курдук, 2017 сыл балаҕан ыйыттан 2018 сыл кулун тутарыгар диэри кэлэн, саха тылын үөрэтэн барбыта.
“Билигин өрөбөлүүссүйэ иннинэ суруллубут саха тылыгар тылбаастаммыт христианскай итэҕэл кинигэлэрин тылын туһунан научнай үлэбин суруйа сылдьабын”, — диэн кэпсиир.
Людмила ПОПОВА, edersaas.ru
+1
+1
+1
+1
+1
+1
+1