Ыксаллаах балаһыанньа цифровой коммуникация сайдыбытын туоһулаата

Ааптар: 
Бөлөххө киир:

Ил Дарханы кытта «Арассыыйа 24» ханаал «Быһа эпииригэр» интэриниэт ситимин, судаарыстыбаннай өҥө, электроннай тиһик үлэтин туһунан ыйытыы киирдэ.

edersaas.ru

Бу боппуруоска Ил Дархан Айсен Николаев маннык хоруйу биэрдэ:

Мин коронавируһу бохсуу ыстаап үлэтин сүрүнннүр буолан, цифровой коммуникационнай технология олус күүстээхтик, кыахтаахтык, тэрээһиннээхтик үлэлиирин бэлиэтиэм этэ. Саха сирэ бу салааҕа Арассыыйаҕа инники күөҥҥэ иһэр диэххэ сөп. Ол курдук, былаас уорганнарын тустаах иһитиннэриилэрэ бары ханаалларынан тиһигин быспакка чаас аайы бэриллэ тураллар.  Култуура бары тэрилтэлэрэ интэриниэт ситиминэн, тэлэбиидэнньэнэн босхо киинэлэри, испэктээхтэри, араас интэриэһинэй биэриилэри көрдөрөн эрэллэр. Үөрэх тэрилтэлэрэ оскуолаттан үрдүк үөрэххэ тиийэ дистанционнай үөрэтиигэ көстүлэр. Оптовай маҕаһыыннар, ас астыыр тэрилтэлэр  социальнай ситим нөҥүө сайаапканан баҕалаах дьоҥҥо дьиэлэригэр ким тугу наадыйарынан тиэрдэр буоллулар. 

Онон, кырдьык, Ил Дархан Айсен Николаев эппитинии, информационнай, цифровой коммуникационнай технология ыксаллаах быһыы-майгы кэмигэр өрөспүүбүлүкэҕэ  сайдыбытын көрдөрдө уонна туоһулаата.

Елена ПОТОЦКАЯ, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0