Амма улууһун Болугуругар олохтоох оскуола учууталлара Ороһуоспа күн “Болугур” кэпэрэтиипкэ бэртээхэй бэлэҕи оҥордулар – ыанньыксыттары солбуйдулар.
edersaas.ru
Былырыын, тохсунньу 7 күнүгэр, пиэрмэ үлэһиттэрин нэһилиэк баһылыга Степан Кузьмин көҕүлээһининэн, дьаһалта үлэһиттэрэ солбуйбуттара.
— Өрөбүлэ суох үлэлиир ыанньыксыттары уонна сүөһү аһатааччылары көннөрү тылынан эҕэрдэлиир эрэ тутах диэммит, кинилэри бырааһынньыкка сынньатарга быһаарыммыппыт, — диир Степан Николаевич. – Былырыын биһиги солбуйбуппут, быйыл Татьяна Ивановна Иванова дириэктэрдээх оскуола кэлэктиибэ эстэпиэтэни ылла. Онон үрүҥ илгэ үлэһиттэрэ бу күн дьиэлэригэр-уоттарыгар сынньаннылар, оҕолорун кытары бырааһынньыктаатылар. Бу үтүө үгэс сыллата салҕанарыгар эрэнэбин.
Амматтан Наталья БУБЯКИНА, «Саха сирэ» хаһыат, edersaas.ru сайтка анаан
+1
+1
+1
+1
+1
+1
+1