«Якутскэкосети» 2019 сыллааҕы үлэтин түмүгүн көрдүлэр

Бөлөххө киир:

Саха сирин киин улуустарыгар үлэлиир эрэгийиэннээҕи оператор «Якутскэкосети» бастакы сылыгар 986,8 тыһ. куб кытаанах хомунаалынай тобоҕу хомуйда, ааҕыллыбытыттан 54% элбэҕи. Ол туһунан тэрилтэ генеральнай дириэктэрэ Владислав Созонов 2019 сыллааҕы үлэ түмүктэрин билиһиннэриигэ СӨ ОДьКХ уонна энэргиэтикэ министиэристибэтигэр иһитиннэрдэ.     

edersaas.ru

Куорат уокуругар күн ахсын 59 тиэхиньикэ бөҕү хомуйар, уопсайа 4428 контейнер, 1270 бөҕү мунньар сир баар. Күннэтэ массыыналар 2000 куб. м кытаанах бөҕү таһаараллар.

Төлөбүрү хомуйуу киин улуустарга – 69%, саамай бэрээдэктээхтик Жатайга төлүүллэр – 85%, оттон Намҥа уонна Горнайга – саамай кыра көрдөрүү 30-31%. 2020 сыл тохсунньу 1 күнүгэр нэһилиэнньэ иэһэ 104 мөлүйүөн солкуобай.

Эрэгийиэннээҕи оператор сүрүн кыһалҕа быһыытынан, бөҕү хомуйуу нормативнай уонна дьиҥ чахчы олоххо баар араастаһыытын, кэтэх дьиэлээх дьон, тэрилтэлэр дуогабар түһэрсэртэн куотуналларын, эбии тиэхиньикэ наадатын, инвестиционнай бырайыак олоххо киириэн үбүлээһин суоҕун бэлиэтээтэ. Ол туһунан СӨ ОДьКХ уонна энэргиэтикэ министиэристибэтин пресс-сулууспата иһитиннэрэр.

«Саха сирэ», edersaas.ru

+1
0
+1
0
+1
0
+1
0
+1
0
+1
0
+1
0