Быйыл иккис сылын Оҕо көмүскэлин күнүн көрсө “Эминэн эрэ эмтээбэттэр” («Лечат не только лекарства») диэн аһымал акция ыытыллар. Өр кэмҥэ балыыһаҕа сытан эмтэнэргэ күһэллибит кырачааннарга көмөлөһөр сыаллаах.
Оҕолор укуолтан куттаналлара биллэр. Өр кэмҥэ укуолланыы оҕо уйулҕатыгар туох да үчүгэйинэн дьайбат. Онтон кинилэр ытаабакка эрэ укуол ылбыттарын иһин, “Хорсун санаа хоруопкатыттан” оонньуур талар кыахтаахтар. Бу түмүгэр укуолтан куттаналларын кыайар, чэпчэкитик аһарынар кыахтаналлар. Оттон ким баҕарар кинилэргэ көмөлөһөр, олохторун чэпчэтэр, аралдьытар туһуттан, “Хорсун санаа хоруопкатыгар” оонньуур бэлэхтиэн сөп.
Оонньуурдар эргэ, туттуллубут буолуо суохтаахтар. Олус улахана суох кээмэйдээх, саҥа, кэбирэҕэ суох, бөҕө, бытархай дэтээллэрэ суох буолуохтаах. Сымнаҕас оонньуурдары уонна оҕо косметикатын, баттах туттарар заколкалары эмиэ бэриллибэт. Канцелярскай табаардар, уруһуйдуур тэтэрээттэр, кинигэлэр, араас оонньуурдар буолуохтарын сөп. Кырачаан, хорсун киһиэхэ анаан, санаатын көтөҕөр курдук, сурук суруйан да угуохха сөп.
Маннык хоруопкалар «Стерх-Сахамедстрах» офистарыгар, Национальнай библиотекаҕа, “Три-Д”, «Созвездие», «Школьный мир», «Мир приключений» бибилэтиэкэлэргэ, 2-с №-дээх оскуолаҕа тураллар. Улуус олохтоохторо «Стерх-Сахамедстрах» офистарыгар тиэрдиэхтэрин сөп.
Кырачааннар хаһан да ыалдьыбатыннар, оҕо хараҕын уута тохтубатын!
Ангелина Васильева, “Саха сирэ” хаһыат, edersaas.ru
Хаартыскаларга: Былырыыҥҥы акция кэмигэр.