Волонтердар 10 788 сайаапканы толордулар

Ааптар: 
Бөлөххө киир:

Норуот дьокутаата Александр Сусоев иһитиннэрбитинэн, өрөспүүбүлүкэтээҕи волонтердар куорпустарыгар бу дьыл кулун тутар 20 күнүттэн муус устар 25 күнүгэр диэри 65-тээх уонна онтон аҕа саастаах дьоҥҥо биир кэмнээх аһылык нобуорун сайаапкалааннар, колл-киин кэлим нүөмэригэр барыта 11 тыһ. төгүл төлөпүөннээбиттэр.

edersaas.ru

Маны таһынан, 1700 кырдьаҕаһы Бүлүү, Горнай, Ленскэй, Сунтаар, Мирнэй, Нерюнгри уонна Хаҥалас волонтердара испииһэктээтилэр, – диир Александр Сусоев. – Муус устар 25 күнүгэр өрөспүүбүлүкэтээҕи волонтердар куорпустарын чилиэннэрэ 65-тээх уонна онтон аҕа саастаах дьоҥҥо 491 аһылык нобуорун, үс күн устатыгар 2126 бакыаты тарҕаттылар.

Бэҕэһээҥҥиттэн колл-кииҥҥэ төлөпүөнү биир кэмҥэ 25 оператор ылар. Үлэни кудумсутан, босхо 8(800)-707-32-82 федеральнай нүөмэр эбилиннэ. Оттон маҕаһыынтан аһы-үөлү, аптекаттан эми-тому аҕалыыга уонна дьиэттэн бөҕү таһаарыыга ити күн 214 сайаапка киирдэ. Онон, кулун тутар 20 күнүттэн барыта 10 788 сайаапка киирэн, барыта толорулунна.

Кэнники күннэргэ 20 саҥа волонтер эбилиннэ. Өрөспүүбүлүкэ үрдүнэн 2 637 волонтер үлэлиир. Кинилэри тустаах муниципальнай тэриллиилэр массыынанан хааччыйаллар. Холобур, өрөспүүбүлүкэтээҕи волонтердар куорпустарыгар Ил Дархан уонна Бырабыыталыстыба автобазатыттан түөрт массыына сыһыарыллыбыта, ону таһынан сорохтор бэйэлэрин массыыналарынан сылдьаллар. Онон, волонтердар хамсааһыннарыгар 309 массыына сүүрэр. Бу туһунан Ил Дархан уонна Бырабыылатыстыба пресс-сулууспата иһитиннэрэр.

Раиса Сибирякова, «Саха сирэ» edersaas.ru

+1
0
+1
0
+1
0
+1
0
+1
0
+1
0
+1
0