Владимир Путин Анал этиини оҥорор

Ааптар: 
Бөлөххө киир:

Бүгүн, тохсунньу 15 күнүгэр, Москва бириэмэтинэн күнүс 12 чааска, биһиэнинэн киэһэ 18 чааска, Арассыыйа Федерациятын Бэрэсидьиэнэ Владимир Путин Федеральнай Мунньахха үгэс буолбут Анал этиитин иһитиннэрэр.

edersaas.ru

Владимир Путин Анал этиитин быйыл уон алтыс төгүлүн оҥорор. Кини Анал этиитэ үгэскэ кубулуйбут куормалаах эрээри, туох эрэ уратылаах буолар. Ити — Бэрэсидьиэн  үлэтин истиилэ. Эрдэттэн сэрэйэн эттэххэ, дойдубут салайааччыта сүрүн болҕомтотун экэниэмикэ, социальнай бэлиитикэ, дохуоту үрдэтии, демография, оҥорон таһаарыы эйгэлэригэр, тас дойдулары кытары сибээскэ уурар, терроризм, саансыйа боппуруостарын эмиэ ырытар буолуохтаах. Ону сэргэ, үгэс курдук, сыллааҕы бүддьүөтү тыырыыга этиилэри оҥоруоҕа. Итиэннэ биллэн турар, Улуу Кыайыы 75 сыла бэлиэтэнэринэн, үйэтитии уонна патриотическай иитии боппуруостарын хайаан даҕаны таарыйыаҕа. Бэрэсидьиэн Анал этиитин оҥороругар Манеһы ыҥырыылаах дьон элбэҕинэн итиэннэ мультимедийнэй форматы туһанаары талбыт буолуохтаахтар.
Дьокуускайга Бэрэсидьиэн Анал этиитин уопсастыбаннай истии уонна дьүүллэһии Уопсастыбаннай кииҥҥэ тэриллиэҕэ. Онно өрөспүүбүлүкэ бырабыыталыстыбатын, министиэристибэлэрин, биэдэмистибэлэрин, муниципалитеттарын уонна уопсастыбаннай тэрилтэлэрин бэрэстэбиитэллэрэ кыттыыны ылыахтара.

Раиса Сибирякова, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0