Виталий Очиров култуура туйгуна буолла

Ааптар: 
Бөлөххө киир:

Дэгэрэҥ ырыаны кыайа тутан ыллыыр кылыһахтаах куоластаах Виталий Очиров «Көтөр кынаттарым» айар кэнсиэрэ Саха циркэтигэр буолла. Сахалыы ырыаны сөбүлээччи элбэх эбит. Саала иһэ ыы-быччары. Кэнсиэркэ Виталий күн күбэй ийэтэ Светлана Очирова, бииргэ төрөөбүт быраата Кеша Васильев, кини аҕата Владислав Васильев-Кылыһах сахалыы ылбаҕай ырыаны бар дьоҥҥо анаатылар.

Виталий Очиров: «Мин көтөр кынаттарым  төрөппүттэрим, кэргэним, уолаттарым, аймахтарым, доҕотторум буолаллар. Саха сирин кэрэ аҥаардарын аан дойду дьахталларын күнүнэн эҕэрдэлиибин«, — диэтэ.

Киниэхэ СӨ култууратын туйгуна ааты иҥэрдилэр. Итиэннэ Виталий Очиров төрөөбүт сирэ — Таатта Харбалааҕын бочуоттаах олохтооҕо буолла.

Анастасия Михайлова, Дьокуускай куорат олохтооҕо:
— Олус үчүгэй кэнсиэр буола турар. Виталий сахалыы ылбаҕай ырыаны толорорун олус сөбүлээн истэбин. Уопсайынан, сахалыы дэгэрэҥ ырыа биһиэхэ олус чугас. Киһи сүрэҕин-быарын ортотунан киирэр. Ол курдук, киһи санаата көнньүөрэр.

Виталий Очиров сибиэhэй интервьютун манна аах. 

Александр Тарасов, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0