Василий Егоров бастыҥын итэҕэтэр санаалаах

Бөлөххө киир:

Аан дойду чөмпүйэнээтин үрүҥ көмүс призера, Европа чөмпүйүөнэ, Олимпиада-2016 кыттыылааҕа боксер Василий Егоров (49 кг) сэтинньи 21-29 күннэригэр Оренбурга буолаары турар Россия чөмпүйэнээтигэр кыттыаҕа.

Саха сирин боксердара билигин РФ уонна СӨ үтүөлээх тренерэ Артур Пахомов салалтатынан  Москва уобалаһыгар үөрэтэр-эрчийэр түмсүүгэ сылдьаллар. Барыллааһын ааҕыынан, Россия чөмпүйэнээтигэр Саха сириттэн алта боксер кыттара былааннанар. Ол курдук, олимпиец Василий Егоров, Уһук Илин ФУо чөмпүйүөнэ Борис Сидоров (иккиэн 49 кг), “Локомотив” спортивнай уопсастыба күрэхтэһиитин кыайыылааҕа Егор Евсеев (52 кг) уонна Уһук Илин ФУо чөмпүйүөнэ Михаил Парников (56 кг). Оттон Айтал Дьяконов (60 кг) уонна Егор Пахомов (64 кг) эбии сайаапкаҕа киирэн биэриэхтэрин сөп.

Манна даҕатан эттэххэ, урут иһитиннэрбиппит курдук, 2017 сыллааҕы Россия боксаҕа чөмпүйэнээтэ биһиги Дьокуускайбытыгар ыытыллыан сөп.

+1
0
+1
0
+1
0
+1
0
+1
0
+1
0
+1
0