Василий Бурцев аатынан бириэмийэ Алексей Заровняевка туттарылынна

Ааптар: 
Бөлөххө киир:

Өйдүүргүт буолуо, иллэрээ сыллааҕыта, 2016 сыл алтынньы 18 күнүгэр Муома улууһун Сааһыыр сэлиэнньэтигэр  полиция участковай боломуочунайа Василий Бурцевы үлэлиир сиригэр баламаттык өлөрүү тахсыбытын. Кини кэриэһигэр чугас дьоно «За верность служебному долгу» диэн бириэмийэ олохтообуттарын туһунан биһиги саайтпытыгар суруйан турабыт.

edersaas.ru

Сулууспатын эбээһинэһин толоро сылдьан суорума суолламмыт полиция капитана, Российскай Федерация судаарыстыбаннай «Эр санаа» уордьанынан өлбүтүн кэнниттэн наҕараадаламмыт Василий Васильевич Бурцев аатынан бу бириэмийэни дьоно кини аатын үйэтитэр, участковайдар үлэлэрин сыаналаан болҕомто ууралларын туһугар, үүнэр көлүөнэҕэ үтүө холобур буоллун диэн олохтообуттара.

Бириэмийэ өрөспүүбүлүкэ кытыы сиригэр үлэлиир бастыҥ үлэлээх участковайдарыгар сылын аайы туттарыллар үтүө үгэскэ кубулуйда. Бастакы бириэмийэни былырыын биэс кандидатураттан талан, Уус Алдан улууһун участковайа, полиция майора Юрий Мамонтовка туттарбыттара.

Ону таһынан, Василий төрөөбүт дойдутун, Уус Алдан улууһун Сыырдаах сэлиэнньэтин орто оскуолатын бастыҥ выпускнигар маннык бириэмийэни эмиэ олохтообуттара.

Айталы Сергеева, Василий Бурцев огдообото:

– Быйылгы бириэмийэни Горнай улууһун Мытаах, Одуну курдук ыраах сытар нэһилиэктэргэ бэрээдэги соҕотоҕун көрөр участковай боломуочунай Алексей Заровняевка туттардыбыт. Кини нэһилиэк дьаһалтатын кытта бииргэ үлэлэһэн, дьон биһирэбилин ылбытын баһылык Иван Петровтан уонна Мытаах олохтоохторуттан ыйыталаһан билбитим. Горнайга үлэлээбит биир идэлээхтэрим эмиэ Алексей Петрович үлэтигэр эппиэтинэстээхтик сыһыаннаһар, бириэмэтигэр барытын толорор, дьон кинини ордук сыаналыыр диэн этэллэр. Бириэмийэни туттарыыга кини дьиэ кэргэнин кытта кэлбит этэ.

Вера Макарова, «Саха сирэ» хаһыат, edersaas.ru

Хаартыскаларга: Василий Бурцев, Василий Бурцев кыыһа Айылана Бурцева, бастыҥ участковай Алексей Заровняев.

+1
0
+1
0
+1
0
+1
0
+1
0
+1
0
+1
0