Уус Маайа бөһүөлэгин урукку баһылыга көҥүлэ быһылынна...
Бэрээдэк - Олох-дьаһах

Уус Маайа бөһүөлэгин урукку баһылыга көҥүлэ быһылынна

Уус Маайа бөһүөлэгин дьаһалтатын урукку баһылыгар суут уурааҕа тахсыбытын туһунан СӨ Борокуратуурата уонна РФ СК Саха сиринээҕи управлениета иһитиннэрдилэр. Кини бөдөҥ кээмэйдээх бэриги түүрэйдээн ылыыга буруйданна.

edersaas.ru

Суут быһаарбытынан, 2016 сыл атырдьах ыйыгар «Уус Маайа бөһүөлэгэ» муниципальнай тэриллии баһылыга Дмитрий Томтосов уонна биир предприниматель 75 мөл.. 727 тыһ. солк. тахса суумалаах муниципальнай хантараак түһэрсибиттэр. Саахалланар туруктаах дьиэлэртэн дьону көһөрүү бырагырааматын олоххо киллэрии чэрчитинэн, муниципальнай тэриллии бас билиитигэр тутулла турар дьиэлэри ылыыга.

Хантараакка илии баттаһыы кэнниттэн, баһылык урбаанньыттан хас да төгүллээн бэрик биэрэригэр модьуйбут — үлэ толоруллубутун туһунан докумуоҥҥа илии баттыырын иһин уонна хантараак сууматын бүтүннүү киниэхэ төлүүрүгэр.

Баһылык модьуйуутун толорон, урбаанньыт кини счетугар 1 мөл. солк. ыыппыт.

Ол харчынан баһылык бэйэтигэр 490 тыһ. солк. сыаналаах тыы мотуорун, 120 тыһ. солк. сыаналаах саа (иккиэн омук киэннэрэ) ылыммыт. Онтон ордубут харчыны уоппускатын кэмигэр туттубут.

Буруйун толору билиммит.

Суут кинини РФ Холуобунай кодексатын 290-с ыст. 5-с чааһын «в» пуунунан буруйдааҕынан билинэн, 2 мөл. солк. ыстараабы анаан туран, 3 сылга кытаанах эрэсиимнээх холуонньаҕа көҥүлүн быһарга уурда. Маны сэргэ, 2 сылга судаарыстыбаннай сулууспа уонна олохтоох салайыныы уорганнарын дуоһунастарыгар үлэлиир быраабын быста.

Бириигэбэр сокуоннай күүһүгэр киирэ илик, өрүттэр ааһыныахтарын сөп.

Санатар буоллахха, бу холуобунай дьыала борокуратуура ыыппыт бэрэбиэркэтигэр олоҕуран тэриллибитэ. Дьыаланы РФ Силиэстийэлиир кэмитиэтин Саха сиринээҕи управлениетын салайааччыта Александр Заболиченко тэрийбитэ.

Биһиги корр., «Саха сирэ» хаһыат, edersaas.ru

Хаартыска: интэриниэттэн.

 

 

0
0

Сайт матырыйаалларын ааптар көҥүлэ суох ылар бобуллар.

Ваш e-mail не будет опубликован.

двадцать − восемь =