Уус Маайа бөһүөлэгин баһылыгар холуобунай дьыала тэрилиннэ...
Бэрээдэк - Олох-дьаһах

Уус Маайа бөһүөлэгин баһылыгар холуобунай дьыала тэрилиннэ

Бөдөҥ кээмэйдээх бэриги түүрэйдээн ылыыга уорбаланан, Уус Маайа бөһүөлэгин дьаһалтатын баһылыга Дмитрий Томтосов тутулунна. Бу туһунан СӨ Борокуратуурата уонна РФ СК Саха сиринээҕи управлениета иһитиннэрдилэр. 

edersaas.ru


Барыллаан быһаарыынан, 2016 сыл атырдьах ыйыгар «Уус Маайа бөһүөлэгэ» муниципальнай тэриллии баһылыга Дмитрий Томтосов уонна биир предприниматель 75 мөл.. 727 тыһ. солк. тахса суумалаах муниципальнай хантараак түһэрсибиттэр. Саахалланар туруктаах дьиэлэртэн дьону көһөрүү бырагырааматын олоххо киллэрии чэрчитинэн, муниципальнай тэриллии бас билиитигэр тутулла турар дьиэлэри ылыыга.

Хантараакка илии баттаһыы кэнниттэн, баһылык урбаанньыттан хас да төгүллээн бэрик биэрэригэр модьуйбут — үлэ толоруллубутун туһунан докумуоҥҥа илии баттыырын иһин уонна хантараак сууматын бүтүннүү киниэхэ төлүүрүгэр.

Баһылык модьуйуутун толорон, урбаанньыт кини счетугар 1 мөл. солк. ыыппыт.

Борокуратуура ыыппыт бэрэбиэркэтигэр олоҕуран, РФ Силиэстийэлиир кэмитиэтин Саха сиринээҕи управлениетын салайааччыта Александр Заболиченко бу баһылыкка туһаайан, холуобунай дьыала тэрийдэ. Улахан суумалаах бэриги түүрэйдээн ылыы бэлиэтэ баарынан.

От ыйын 3 күнүгэр баһылык тутуллубут. Буруйун билинэр көрдөрүүнү биэрбит.

Билигин кинини силиэстийэлиир изоляторга хаайар туһунан боппуруос көрүллэр.

Биһиги корр., «Саха сирэ» хаһыат, edersaas.ru

Хаартыска: интэриниэттэн

 

0
0

Сайт матырыйаалларын ааптар көҥүлэ суох ылар бобуллар.

Ваш e-mail не будет опубликован.

двенадцать + 19 =