Уус Маайа улууһугар Амматтан 70 туонна от кэллэ

Ааптар: 
Бөлөххө киир:

Тыа хаһаайыстыбатын улуустааҕы управлениетын исписэлиистэрэ сыллааҕы үлэ түмүгүн таһааран, саҥа сыл соруктарын туруордулар.

edersaas.ru

Ааспыт 2018 сылга Уус Маайа улууһугар тыа сирин бигэтик сайыннарыы бырагырааматын чэрчитинэн, икки эдэр исписэлиискэ уонна икки ыалга саҥа дьиэ тутулунна. Халаантан эмсэҕэлээбиттэргэ көрүллэр федеральнай субсидия тустаах аадырыһыгар тиэрдилиннэ итиэннэ «Эбэкэ» аҕа ууһун общинатын сирин талахтан ыраастааһын үлэтигэр төлөбүр оҥоһулунна.
Отторо тиийбэт хаһаайыстыбаларга Амма улууһуттан 230 туонна оту атыылаһарга дуогабар түһэрсиллибитэ. Сыл саҕаланыытыгар 40 туонна комбикорм уонна Амма Абаҕатыттан 70 туонна от тиэйилиннэ, онтон 50 туонната Петропавловскайдааҕы агро-оскуола иһинэн үлэлиир «Кыталык» кэпэрэтиипкэ, 10 туонната Солнечнай бөһүөлэгэр тиэрдилиннэ. Тиэйии-таһыы ороскуотун 65 %-ын өрөспүүбүлүкэ, 35 %-ын улуус бүддьүөтэ уйуннулар. Мантан саас аҕалыллар 160 туонна от Элдьикээн, Эдьээн, Петропавловскай хаһаайыстыбаларыгар тарҕатыллыаҕа. Эмиэ былырыыҥҥы курдук, сайаапка быһыытынан чааһынай хаһаайыстыбаларга көтөр уонна сибиинньэ оҕолоро аҕалыллыахтара. Бүлүүк, Сатаҕай уонна Толоон ходуһаларыттан ууну түһэрии итиэннэ кур лаҥханы ыраастыыр дьаһаллары тэрийэргэ кэпсэтии ыытылла сылдьар. Улуус дьаһалтата Күп нэһилиэгиттэн Д.Н.Тимофеев уонна Ф.В.Апросимов бааһынай хаһаайыстыбаларыгар, Элдьикээн олохтооҕо А.В.Водов биирдэм тэрилтэтигэр халаан уута алдьаппыт күрүөтүн тутуутугар көмө көрүөҕэ.

Уус Маайаттан Евсей Лугинов, «Саха сирэ» хаһыакка, edersaas.ru сайтка анаан.

+1
0
+1
0
+1
0
+1
0
+1
0
+1
0
+1
0