Кыстыгы көрсө өрөспүүбүлүкэ үрдүнэн 471 тыһыынча 495 туонна от, 16 тыһыынча 112 туонна сенаж итиэннэ 25 тыһыынча 567 туонна сиилэс бэлэмнэниэхтээх.
edersaas.ru
— Ыам ыйын бүтүүтүттэн ардах төрүт түһэ илик, – диир Уус Алданнааҕы тыа хаһаайыстыбатын департаменын начальнига Николай Сивцев. – Онон, курааннаатыбыт, эбиитин аһыҥа турда. Онон ордук күүскэ турбут аҕыс нэһилиэгэр аһыҥа дьаатын ыстардыбыт. Былырыын 700 гектарга ыстарбыт буоллахпытына, быйыл 2 тыһыынча гектар ходуһаны эмтээтибит. Бу нэһилиэктэр хаһаайыстыбалара аһыҥаттан өрүсүһэн, бэс ыйын 26 күнүттэн окко киирбиттэрэ.
Урукку өттүгэр хаһан да бачча эрдэ хотууру тыаһаппат буолар этибит да, быйыл ардай аһыылаах харамайтан өрүһүстүбүт. Билиҥҥи туругунан 300 гектар ходуһа сирэ охсулунна, 20 туонна от кэбиһилиннэ. Атын нэһилиэктэр бу нэдиэлэттэн сыыйа киирэн эрэллэр.
Раиса Сибирякова, «Саха сирэ» хаһыат, edersaas.ru
+1
+1
+1
+1
+1
+1
+1