Көмүс хатырыктаахпыт дэлэйдэр

Ааптар: 
Бөлөххө киир:

Өлүөнэ эбэҕэ үс мөлүйүөн майаҕас ыаматын ыыттылар.

edersaas.ru

         Ыам ыйын 27 күнүгэр тулалыыр эйгэбитигэр бэлиэ уонна олус туһалаах, наадалаах түгэн буолла. Ленскэй куорат сиригэр Өлүөнэ эбэҕэ үс мөлүөүйн майаҕас ыамата ыытылынна. Бу кэнники сылларга өрөспүүбүлүкэ үрдүнэн ууга балык ыаматын ыытыыга рекорд диэн СӨ Экологияҕа, айылҕа баайын туһаныыга уонна ойуур хаһаайыстыбатыгар министиэристибэтин саайтыгар суруллар.

Тэрээһини тустаах министиэристибэ көҕүлээбит. Оттон Ленскэй оройуонун баһылыга,  Росрыболовство Илин Сибиирдээҕи сирин-уотун управлениетын бэрэстэбиитэлэ, экологияны кэтээн көрүү Ленскэйдээҕи уонна Мииринэйдээҕи кэмититэтин салайааччылара уонна балык ыаматын биэрбит Чернышевскайдааҕы балык собуотун үлэһиттэрэ кыттыыны ылбыттар.

Балык ыамаларын балык собуотугар улаатыннарбыттар.  Ууга ыытыах иннинэ, ыамалары ыйааһыннаан көрбүттэрэ, хас биирдиилэрэ 0,003 кыраамнаахтар эбит. Онон саба быраҕан суоттааһынынан, 3 мөлүйөүн балык ыамата — 12 кг ыйааһыннаах буолар. Ол гынан баран, аны 3-5 сылынан, хас биирдии балык 400 кыраамҥа тиийэ ыйааһыннаныа. Билигин саамай сүрүнэ, тыыннаах хаалаллара наада дииллэр.

Наука үөрэтиитинэн, күндүөбэй ыаматын тыыннаах хаалыыта 0,3%.  Онон бу ыытыллыбыт 3 мөлүйүөн ыаматтан 12 тыһыынча курдук тыыннаах хаалыан сөп. Айылҕа сокуона оннук. Ол иһин, элбэх балык үөскүүрүн курдук, элбэх ыама ыытыллар, — диэн Росрыболовство Илин Сибиирдээҕи сирин-уотун управлениетын балык харыстабылыгар промышленнай оройуоннар икки ардыларынааҕы салаатын начаалынньыга Роман Фисак этэр.

Ленскэй оройуонун баһылыга Жумарт Абильманов Өлүөнэ эбэҕэ балыгы үөскэтэр сыаллаах-соруктаах үлэ ыытыллара олус үчүгэйин, наадалааҕын бэлиэтиир. Балыгы элбэтиигэ үлэ хайаан да ыытыллыахтааҕын, итини олох бэйэтэ эрэйэрин этэр.

Саха сиригэр сир аннынааҕы баайы туһаныы баар буолуоҕуттан, тулалыыр эйгэҕэ кэһиилэр олус элбэхтик тахсыталааһыннара кыылга-сүөлгэ, хамсыыр харамайга куһаҕаннык дьайар. Күөх төлөн, ньиэп ситимнэрэ Өлүөнэ эбэни нөҥүөлээһиннэрэ, экология туругар үчүгэйэ суохтук дьайаллар.  Араас илигирээһиннэрэ, тыастара-уустара балыктар айылҕа сокуонунан сайдалларыгар, сылдьалларыгар кыаҕы биэрбэт. Онон чөлүгэр түһэрии суолун көрдөөн көрөр наада. Балык ыамаларын бу курдук ууга ыытыы, быһыыны-майгыны уларытыа диэн эрэли үөскэтэр. Түмүк баар буолуо дии саныыбын. Аны, Өлүөнэҕэ хатыыс ыамалара ыытыллаллара буоллар, — диир  кини.
Өрөспүүбүлүкэҕэ балык ыамаларын ууга ыытыы СӨ Экологияҕа министиэристибэтин сөбүлэҥинэн, «АЛРОСА» АХ уонна сир баайын туһанааччылар төлөбүрдэрин суотугар оҥоһуллар. Быйыл министиэристибэ  Өлүөнэҕэ уонна Бүлүүгэ Арассыыйа Кыһыл Кинигэтигэр киллэриллибит ураты сыаналаах хатыыһы чөлүгэр түһэрэр туһуттан, былааннаах үлэни тэрийэн ыытар соруктаах. Маны сэргэ, өрөспүүбүлүкэҕэ уопсайынан, чыыр, муксуун, тууччах ыамаларын ыытыы эмиэ былааннанар.

+1
0
+1
0
+1
0
+1
0
+1
0
+1
0
+1
0