Ахсынньы 18-19 күннэригэр Дьокуускайга эдэр чинчийээччилэр бастыҥ аат иһин илин-кэлин түсүһүөхтэрэ. СӨ орто профессиональнай үөрэхтэрин кыһаларын устудьуоннарыгар “Шаг в будущую профессию” диэн сыллата ыытыллар форумнара саҕаланна. Форумҥа 300 устудьуон уонна 60 эспиэр кыттыыны ылыаҕа. Эспиэрдэринэн академиктар, учуонайдар, култуура үлэһиттэрэ, урбаанньыттар талылыннылар.
Форум бырагырааматынан хас даҕаны хайысха үлэлиэҕэ: «Инженерные науки в техносфере настоящего и будущего», «Естественные науки и современный мир», «Математика и информационные технологии», «Социально-гуманитарные и экономические науки». Маны таһынан инженернэй бырайыактар быыстапкалара, маастар-кылаастар, сэминээрдэр, эдэр модельердар уонна дизайнердар бэстибээллэрэ, дьыалабыай оонньуу ыытыллара былааннанар.
Форум түмүгүнэн номинацияларынан бастыҥнары быһаарыахтара, дьупулуомунан наҕараадалыахтара. Эбии уопсай хамаанданан күрэхтэһии кыайыылаахтарын быһаарыахтара. Оттон форумҥа талыллыбыт бырайыактаахтар Арассыыйатааҕы научнай кэмпириэнсийэлэргэ кытта барыахтара: Москваҕа – “Шаг в будущее” уонна Санкт-Петербурга – “Открой в себе ученого” күрэхтэһиилэргэ.
edersaas.ru