Устудьуоннар эмчиттэргэ көмөлөһүөхтэрэ

Бөлөххө киир:

Мииринэй улууһугар Хотугулуу Илиҥҥи федеральнай университет мэдиссиинискэй институтун  устудьуоннара,  ординатордар уонна диплом кэнниттэн университекка үөрэнэ сылдьар исписэлиистэр  кэллилэр.

edersaas.ru

Ону сэргэ, Дьокуускайдааҕы мэдиссиинискэй кэллиэс бүтэһик кууруһун оҕолоро эмиэ  быраактыкаларын бараллар.

Мииринэй оройуонугар коронавирус инфекциятыгар сыстыы түбэлтэтэ суох. Салгыы балаһыанньаны хонтуруолга тутар туһугар уонна уодаһыннаах инфекция тарҕанар кутталын аҕыйатарга, кинилэр Мииринэй,  Айхал, Удачнай балыыһаларыгар исписэлиистэргэ көмөлөһүөхтэрэ.

Баҕа өттүлэринэн үлэлии барбыт ыччаттар  нэһилиэнньэ доруобуйатын көрүөхтэрэ, кыраадыстарын бэрэбиэркэлиэхтэрэ, «уорбаланар» киһи баар буоллаҕына, наада буоллаҕына, кинилэри изоляцияҕа атаарыахтара.

Манна даҕатан эттэххэ, ХИФУ устудьуоннарыттан  өссө 253 киһи —  Дьокуускай куорат поликлиникаларыгар, 10  киһи  ХИФУ килииникэтигэр көмөлөһө сылдьаллар.

Надежда ЕГОРОВА, “Саха сирэ” edersaas.ru

+1
0
+1
0
+1
0
+1
0
+1
0
+1
0
+1
0