Өрөспүүбүлүкэҕэ уон биир нэһилиэк оҕолорго аналлаах былаһааккаланыа.
Бу күннэргэ Бүлүү улууһун Тылгыны нэһилиэгэ оҕолорго аналлаах спортивнай-оонньуур былаһааккаланна. Бу «Мин былаһааккам» өрөспүүбүлүкэтээҕи куонкурус чэрчитинэн тутулунна диэн СӨ Үүнэр көлүөнэ пуондатын пресс-сулууспата иһитиннэрэр. Тылгынылар былырыын «Светлое будущее» бырайыак иитинэн ыытыллыбыт өрөспүүбүлүкэтээҕи күөн күрэс кыайыылаахтарын ахсааннарыгар киирбиттэр.
Ити күөн күрэстэн тирэхтэнэн, быйыл сайын өрөспүүбүлүкэ 11 нэһилиэгэр оҕо-аймах эргиччи сайдарыгар уонна сынньанарыгар элбэх хайысханы толорор аныгы комплекстар тутуллаллар.
«Дьокуускайтан уонна Бүлүүттэн таһаҕас аҕалыытын кыһын кэпсэппиппит. Оттон олохтоохтор көмөлөрүнэн былаһаакка бэлэм буолла. Билигин күрүөтүн-хаһаатын тутабыт. Итиэннэ маннык күрэс баар буолан, киин сиртэн ыраах да сытар нэһилэктэр бэртээхэй былаһааккаланар кыахтаммыттара үөрдэр. Маныаха сирбитин-уоппутун, нэһилиэкпитин сайыннарарбытыгар бэртээхэй тирэх буолар», — диэн улуус баһылыга Егор Иванов бэлиэтиир.
+1
+1
+1
+1
+1
+1
+1