Уол оҕотун өлөрбүт уонна кыысчаанын өлөрө сыспыт ийэҕэ холуобунай дьыала тэрилиннэ...
Бэрээдэк - Олох-дьаһах

Уол оҕотун өлөрбүт уонна кыысчаанын өлөрө сыспыт ийэҕэ холуобунай дьыала тэрилиннэ

Нам улууһун Харыйалаах сэлиэнньэтигэр (Көбөкөҥҥө) бу дьыл бэс ыйын 23 күнүгэр иэдээн таҕыста. 

edersaas.ru

РФ Силиэстийэлиир кэмитиэтин Саха сиринээҕи управлениета иһитиннэрбитинэн, 28 саастаах дьахтар киэһэ дьиэтигэр аттыгар сытар 10 ыйдаах кыысчаанын, кыыһырбыт уоҕар,  тыынын хаайа сатаабыт.

Онтон оҕото тыыммат курдук буолбутугар, аны утуйа сытар 5 саастаах уолчаанын көхсүгэ быһаҕынан анньан өлөрбүт.

Ити тыастан дьахтар кыайан хаампат аҕата уһуктан кэлэн хаһыытаабытыгар, дьиэҕэ дьахтар быраата сүүрэн киирбит уонна туох буолбутун көрөн, быраастары ыҥырбыт.

Быһылаан буолбут дьиэтигэр кэлбит улуустааҕы балыыһа биэлсэрэ суорҕан анныгар сытар кыыһы булан, реанимациялыыр дьайыылары оҥорбут, онтон балыыһаҕа илдьибиттэр. Дьолго, кыракый кыысчаан тыыннаах хаалбыт.

Бу уорбаланааччы дьахтар ханна да үлэлээбэт, профилактика учуотугар турбат.

Өлөрүөхсүт дьахтары туппуттар, билигин кинини Силиэстийэлиир изоляторга хаайар туһунан боппуруос көрүллэр.

Бу чахчынан холуобунай дьыала тэрилиннэ.

Социальнай ситимнэргэ суруйалларынан, дьахтар психическэй ыарыылаах курдук. Ол оруннааҕын-суоҕун силиэстийэ быһаарыаҕа.

Биһиги корр., «Саха сирэ» хаһыат, edersaas.ru

Хаартыска: интэриниэттэн.

1
0

Сайт матырыйаалларын ааптар көҥүлэ суох ылар бобуллар.

Ваш e-mail не будет опубликован.

семь + 12 =