Бэс ыйын 4 күнүгэр бырабыыталыстыба бэрэссэдээтэлин солбуйааччы Ольга Балабкина киэһээҥҥи быһа эпииргэ өрөспүүбүлүкэҕэ уопсай балаһыанньаны билиһиннэрдэ.
edersaas.ru
Бүгүн ыалдьыбыт киһи ахсаана 94 тэҥнэстэ. Онтон 60 киһи Дьокуускайга ыалдьыбыт. Коронавирус дьаҥын балаһыанньата улуустарга уустугун иһитиннэрдэ. Ол курдук, Мииринэйгэ урукку өттүгэр тастан кэлбит дьонтон дьаҥҥа сыстыбыт буоллахтарына, билигин олохтоох нэһилиэнньэ ыалдьан эрэрин эттэ. Маны таһынан, Мэҥэ Хаҥалас улууһа икки бүк ноҕуруусканы уйан эрэрин иһитиннэрдэ. 44 киһи улуустааҕы балыыһа куойкатыгар эмтэнэ сыталларын, икки киһи үтүөрбүтүн эттэ. Биир киһи таһыттан эмтэнэ сылдьан стационарга киирбитин бэлиэтээтэ. Мэҥэ Хаҥалас суһал ыстааба маны сэргэ өрүһү туоруур поруомнары хонтуруоллуурун, дезинфекция үлэтин поруомҥа уонна массыыналарга ыытарын кэпсээтэ.
Нам улууһугар 12 киһи үтүөрбүтүн эттэ. Салбаҥҥа 52 дьаҥҥа хаптарбыт дьон иккис анаалыстарын туттаран эрэллэрин эттэ. Коронавирус дьаҥар улуустарга куойка ахсаана —Алдаҥҥа 46 куойка, Мииринэйгэ — 22, Ленскэйгэ — 43 куойка туолан сыталлар. Нерюнгригэ 5 киһи, Үөһээ Бүлүүгэ — 2, Өймөкөөҥҥө — 7, Чурапчыга — 7, Тааттаҕа — 4 киһи эмтэнэ сылдьалларын иһитиннэрдэ. Таатта улууһун суһал ыстаабын үлэтин хайҕаата. Тааттаҕа үс киһи үтүөрдэ диэн эттэ.
Ульяна Захарова, edersaas.ru